Kaihautū Marautanga - Curriculum Lead at NZ Ministry of Education, Waikato

Mō tēnei tūranga mahi | About this role

Kaihautū Marautanga  Curriculum Lead

Kaupapa Māori/Rumaki/Reo Rua

• Tūranga tūmau, tūranga tūpoto rānei
• Kaihautū ā-Rohe Waikato Tari ā-Rohe
• Ka whai wāhi ki ngā mahi tārai i ngā huanga hauora pai kē mō ngā ākonga katoa
• Ka piri, ka tata ki ngā kaiako, ngā kaiārahi mātauranga, ngā tumuaki, tae atu ki ngā hoamahi ā-rohe, ā-motu hoki

Kia ora, Bula Vinaka, Fakaalofa lahi atu, Fakatalofa atu, Kia orana, Malo e lelei, Malo ni, Talofa lava, Tena koutou katoa, welcome.

Āwhina mai ki te tārai i te āpōpō o te Mātauranga

He mea tārai e mātou te mātauranga kia rangatira ai, kia mana taurite ai ōna huanga

Kei konei, kei Te Tāhuhu o te Mātauranga, ka whakapau kaha mātou ki te tukutuku ratonga, tukutuku tautoko hoki ki te rāngai mātauranga o te motu, te rohe, te takiwā hoki. Waihoki rā i ētahi wā, ka kotahi atu ki ngā ākonga me ngā whānau.

Ka āwhina mātou ki te tārai i ngā kaupapa here, ngā ritenga, me te whanonga hoki o te pūnaha mātauranga mō ngā kura kōhungahunga, ngā kura me ngā wānanga. E ea ai tēnei, ka whiriwhiri taura here, ka kimi māramatanga hoki ki ngā hiahia o te hunga e whiwhi ana ki ā mātou ratonga.

He nunui ngā panonitanga e mahi ana mātou i te āhua o tā mātou kawe i ā mātou mahi, arā mā te:

• mahi i ngā mahi whai take kia mana ai Te Tiriti o Waitangi
• hāpai ake i te reo ā-rohe me te reo ā-takiwā
• whakawhānui i te āheinga whakatutuki hiahia, te whaiwāhitanga, ngā ratonga pāhekoheko, me te tautoko
• whakapai ake i ngā tukanga whakahokinga kōrero me ngā tukanga tuku kōrero

Ko ngā tāngata o tō mātou rōpū he whai pūmanawa, he ngākau titikaha hoki nō ngā tōpito katoa o Aotearoa, nō ngā mātāwaka, nō ngā ahurea huhua. Ahakoa ka mahi tēnā rōpū i tāna mahi, me tēnā i tāna, katoa mātou ka whakapau kaha kia hua ai ko te painga mō tēnā ākonga tamariki, mō tēnā rangatahi, mō tēnā pakeke kei roto i tā mātou pūnaha mātauranga. 

Ratonga Kaihautū Marautanga

Ko te ratonga Kaihautū Marautanga te hunga tautoko, kei te hāputa e piri tata ana ki ngā kaiako hei āwhina ki te hoahoa i ngā akoranga marautanga kia reka ai, kia tutuki ai ngā hiahia, ā, mā reira e wheakoria ai ngā whakaarotau ako ā-motu e ngā ākonga katoa, e kite ai hoki rātou i ō rātou ahurea, reo, tuakiri hoki i roto i ā rātou akoranga.

He mea whakatū te ratonga Kaihautū Marautanga o te wā nei mā roto i te tahua pūtea Hauora 2020 hei whakaū anō ka wheakoria e ngā ākonga katoa tētahi marautanga i hoahoatia paitia, e tautoko ana i te hauora. Kei te whakawhānuitia te ratonga Kaihautū Marautanga hei whakapakari i te ratonga o te wā nei, hei āwhina i ngā kaihautū o te rāngai mātauranga, ngā tumuaki me ngā kaiako ki te whakatinana i ētahi whakapaipaitanga e pā ana ki te whakahouanga o te marautanga, tae atu ki te hononga i waenga i ngā huanga o te hauora, te reo matatini, me te pāngarau.

E ākona ai ētahi atu kōrero mō ā mātou Kaihautū Marautanga, ngā kōrero tautoko, me ētahi atu kōrero, pāwhiri mai ki konei 

Mō tēnei tūranga | About this role 

He aronga tō te tūranga nei ki te Kaupapa Māori/Rumaki/Reo Rua.

He āheinga tēnei ki te mahi tahi ki ngā kaiako hei āwhina ki te hoahoa i ngā akoranga marautanga reka, e whakatutuki hiahia ana, hei whakaū anō ka wheakoria e ngā ākonga katoa ngā whakaarotau ako ā-motu. Ka noho koe ki te tira ā-rohe, ā, ka mahi tahi ki te rāngai i ēnei mahi: 

Ka mahi i ngā mahi whai take kia mana ai te Tiriti o Waitangi

• ka whakapakari i te taura here i ngā kaiako hei tautoko i te hoahoanga o tētahi marautanga ā-rohe reka. He marautanga e whakatutuki ana i ngā hiahia, e tauawhi ana, e whakaatu ana i ngā tini ahurea, tuakiri, reo hoki o ngā ākonga me ō rātou whānau, mā roto i ngā whakaarotau ako ā-motu, mā te tautoko hoki i te hauora.

Ka hāpai ake i te reo ā-rohe me te reo ā-takiwā

• ka whakaritea he kāhui mahi tahi ki rō hapori, ka āta tuari, ka āta kōrerorero hoki i te whakamahinga o ngā rauemi, ngā kaitautoko me ngā ratonga Kaupapa Māori/Rumaki/Reo Rua me te tuari anō i ngā tauira o ngā mahi pai, o ngā mahi o te takiwā. Ka noho koe ki tētahi rohe, ā, ka whakataki koe i ngā kaupapa marautanga ki ngā hoamahi i roto rōpū ā-rohe, me te mahi hoki ki ngā whānau, ngā hapū me ngā iwi hei tautoko i te whakatinanatanga.

Ka whakawhānui i te āheinga whakatutuki hiahia, te whaiwāhitanga, ngā ratonga pāhekoheko, me te tautoko

• ka tautoko ā-hāputa, ā-rohe, ā-motu hoki ki te hoahoa, ki te whakamahi hoki i ngā rauemi, ngā taupua me ngā ratonga mō te marautanga. Ka tautokona tēnei e te māramatanga hōhonu ki Te Marautanga ā-Motu, ki te hononga hoki i waenga i ngā huanga o te hauora, te reo matatini, me te pāngarau.

Ka whakapai atu i ngā tukanga whakahoki kōrero me ngā tukanga tuku kōrero

• ka āwhina ki te whakawhanake, ki te whakaū hoki i ngā tukanga whakahoki kōrero me te rāngai, tōna rōpū ā-rohe, me te rōpū ā-motu hoki. Ka whakahoki koe i ngā kōrero ā-rohe ki te rōpū ā-motu mō ngā rauemi, ngā kaitautoko, ngā ratonga o te marautanga hei whakaū i te tikanga rua ōna, te kauawhitanga, te māramatanga, me te māmā hoki ki te whakamahi. Mā konei e pakari ake ai ngā hononga o ngā mahi katoa i Te Mahau, e mārama ai hoki te tirohanga a te rāngai mātauranga.

Ko te pūwaenga o te taumata utu ko te $106,866 e ai ki ngā pūkenga me ngā wheakoranga.

Mōhou ake | About you 

E angitu ai koe i roto i te tūranga nei, koinei ngā tino hiahia: 

• kei te hohonu te māramatanga, kei te whānui hoki ngā wheako ki te Marautanga e hāngai ana ki tō ara whakaako. (Puna reo/ Whare kohungahunga, Kura tuatahi, Wharekura, kaupapa Māori, rumaki Māori rānei)
• E matau ana ki te Te Reo Matatini rānei, ki te Pāngarau rānei, kua tautokona koe e te ao Mātauranga, ā, e māia ana ki te hāpai, ki te whakaweawe i tōna whakaūnga ki roto ki ngā wāhi akoako.
• he mōhiotanga hōhonu, he wheakoranga whānui ki te ako me te whakaako, te ārahitanga, te ariā aromatawai, me te mahi aromatawai o te Kaupapa Māori/Rumaki/Reo Rua me te āheinga hoki ki te tautoko i ngā panonitanga ngaio i ngā horopaki ako
• e tāea ana te whakauu ngā kaupapa Māori hei arahi, hei whakapakari i te waihanganga o te Marau-a-Kura, pēnei me te Mana Ōrite mō te Mātauranga Māori
• me matua mārama ki Te Reo Māori, ki ngā tikanga Māori me te Mātauranga Māori hoki
• he mōhiotanga ā-wheakoranga, he āheinga hoki ki te tautoko i te hoahoanga, marautanga i mārama ai te kitea o ngā huanga pai kē mō ngā hapori huhua
• kei te whānui te mōhiotanga, kei te kehokeho te māramatanga ki te mātauranga me ōna horopaki
• he pūkenga pakari ki te whakahaere hui, ki te kōrero ki te tangata, te uahatanga me te āheinga ki te whai i te wairua o te kōrero, o te horopaki anō hoki
• he pūkenga ki te ārahi, ki te whakahihiko hoki i ētahi atu, he āheinga ki te wero, te tautoko, te manaaki, me te poipoi hoki i ngā kaiārahi me ngā kaiako ki te whakawhānui i te āheinga taumata tiketike, ā, ki te panoni hoki, i ngā wā e tika ana
• he āheinga ki te tautoko I ngā tūwahi ako, ki te whiri I ngā taura tangata I runga I te whakaaro kotahi, waihoki, he āheinga ki te mahi ngātahi me ngā whānau, ngā hapū me ngā Iwi Māori, ngā Iwi Pacifika, me ngā hāpori katoa hoki.

He tūranga whakahihiko tēnei kia piri mai ki tō mātou rōpū Waikato Tari ā-Rohe, me te tino whakapiki i te hauora o te tamariki, o te rangatahi hoki. 

I roto i te tūranga nei, me hāereere koe i te motu nei, ā, tērā pea ka moea te pō ki aua haerenga.

Tēnā arongia tā mātou e pai ake ai, arā he tūranga tūmau, engari ka whakaarohia hoki he whakaritenga tūranga tūpoto mō ngā kaitono pai. 

Kua rite koe mō tēnei mahi? | Are you ready to make a difference? 

Me āta whakaahua mātou i ngā hapori huhua e manaaki nei mātou, nō reira nau mai rā e ngā tono a te hunga nō tēnā iwi, nō tēnā aronga hōkaka, nō tēnā tuakiri. E titikaha ana te rōpū nei ki te whakapakari i te tairitenga mana ā-iwi, te hiranga hoki i roto i te rāngai mātauranga. 

He kaituku mahi mātou e whai ana i ngā tikanga whakaōrite whiwhinga mahi, ā, ka whakaaroarohia e mātou ngā ritenga mahi whitiwhiti. Ka kaha koe ki te whiriwhiri i te take nei me tōu kaiwhakahaere. Ka rikarika te ngākau ki te rongo he pēhea te āhua o tēnei mōu, nō reira kia kaha te whakamārama mai i tēnei i roto i tāu Reta Uhinga. 

I roto i tāu reta uhinga, e hiahia ana mātou kia mōhio: 

• mōhou, ōu uara, tōu whakapapa
• ki tōu kaingākau, ki ōu whakaawenga hoki mō te tūranga nei
• ki ngā āheinga, ngā pakaritanga, ngā āhuatanga whaiaro me ngā whakaaro huhua e kawea mai ana e koe ki te tūranga nei, ki te rōpū nei hoki.
   

Mō ētahi atu kōrero, whakapā kōrero ki a  i Selina Johnson selina.johnson@education.govt.nz

 Hei te weheruapō kati ai ngā tono Rāapa te te 14 o Pīpiri 2023