Associate Professor - He Ahorangi Tūhono i te hōtaka Te Reo Māori at The University of Waikato, Waikato

Mō tēnei tūranga mahi | About this role

• He tangata marae i te ao Māori, te reo me ōna tikanga.
• He ngākau nui, he mātanga ki te whakawhanake i tāna ake hōtaka rangahau.
• He herenga pūmau ki ngā ākonga, ngā whānau, ngā hapū, ngā iwi me ngā hapori e hono ana ki te whare wānanga.

Kei ngā matanga reo o te motu, anei te reo whakahei o Te Pua Wānanga ki te Ao, otirā, Te Whare Wānanga o Waikato kia aronui mai koutou ki tēnei tūranga whakaako i tō tātou reo tapu, tūāuriuri, whāioio. He karanga tēnei ki te hunga e pīkoko ana, e ngākaunui ana, e manawawera ana ki te whakaako i tō tātou reo rangatira, ka mutu, te mahi ngātahi, ā rōpū hoki otirā, te nanao i ngā kaupapa reo Māori - tonoa mai.

Ngā tohu/pūkenga ka hiahiatia

Ko ngā tohu matua kua whakawhiwhia kētia e te kaitono, ko ngā pūkenga me te wheako kei tō kete hoki.

Hei Ahorangi Tūhono:

Ki te riro i te tangata tōtika me whai tohu kairangi reo Māori.
Me matatau ki te reo Māori me ngā tikanga Māori, ka mutu, me whai pūkenga, tohu whakaako, wheakotanga hoki ki te whakaako i tō tātou reo rangatira, ahakoa te taumata. Me mōhio pai ki te kukume tauira mā te whakaako i ngā huarahi whakararata, auaha hoki.
Ahakoa kei Kirikiriroa tēnei tūranga, me āhei ki te tautoko i te hunga kaiako mai, tauira mai, ki tō mātou akoranga ki Tauranga.
I kō atu i ēnā, me mārama pai ki te ao rangahau - te tono pūtea rangahau, te āta whakarite hōtaka rangahau reo Māori anō hoki.
Hei whakakapi, kua ārahi i tētahi mahi rangahau, kua mahi tahi rānei i tētahi kaupapa rangahau kua eke ki ngā taumata teitei o angitū.
Kāti, me mōhio pai hoki ki te tauawhi, ki te ārahi, ki te tohutohu i te tauira paerua me te kairangi.

Te utu

Ka rite te taumata utu ki tō te matatau o te kaitono ki ana pūkenga, mātauranga, wheako, tohu anō hoki e ai ki te tūnga nei.
Mā te Ahorangi Tūhono: $146,629 - $161,729 ia tau.
Tirohia te hononga kia pānuitia ngā āhuatanga mahi mō te tūnga Ahorangi Tūhono.

Ko te Tangata - For the People

The University of Waikato prides itself on the quality of its engagement with the communities that it serves, the provision of a world-class education and the national and international impact of its research. Our policies are guided by the principles of the Treaty of Waitangi and equal opportunity for all.

E herea ana te Whare Wānanga ki te kaupapa kia whakaratohia te mea angitū ōrite ki ngā tāngata katoa.

Whakapā mai ki a Ahorangi Tangiwai Rewi: tangiwai.rewi@waikato.ac.nz

Rā aukati: Paraire 23 Hanuere 2026 (ki Aotearoa)