Menu




<< Back to Search Results

Kaitohutohu Matua, Kotahi Piriona Rākau/Ngā Rangapū

Employer:
Ministry for Primary Industries
Job Category:
Policy & analysis
City/Town:
Region:
Whangarei
Job Type:
Posted Date:
14-Jun-2019
Closing Date:
28-Jun-2019
File Attachment:
File Links:
Employer Website:

Job Description

  • Ka mahi tahi ki ngā whakahaere, ki ngā tarati, ki ngā kaipupuri whenua e pīrangi ana ki te whai wāhi mai ki te whāinga o te whakatō i te kotahi piriona rākau hei mua i te 2028
  • He tūranga motuhake tēnei he nui āna momo mahi kei tō tātau rāngai ngahere e tipu ana, e whakahoutia ana
  • Ka rua tau te roa o tēnei tūranga wā kīkī kei te Taitokerau, he tāwariwari hoki ngā āhuatanga o te mahi

Tautokona ngā kaitono ki roto i te hātepe tono pūtea Mahi Rangapū Kotahi Piriona Rākau. He tere ngā mahi nei, he nui hoki ōna momo kei tētahi horopaki mahi e kanorau ana.

Mō tenei tūranga

Kāore tēnei tūranga e rite mō te tangata manawa kiore nō te mea e kore e ōrite ngā rā e rua. Ka whai wāhi atu koe ki te whānuitanga o ngā momo kaupapa i a koe e tautoko ana i ngā kaitono rangapū ki te whakatutuki i te hātepe tono pūtea mō te Kotahi Piriona Rākau – ko te wānanga i te kaupapa tērā, ko te whakaae (whakahē rānei) i te tono, ko te tuku kirimana, ko te arotake hoki i te kōkiri .

Ko ngā kaupapa nei ka whāia e koe, ka tautoko rānei, ka whakatutuki rānei i te whakatōnga rākau – he rākau māori, he rākau hoki nō tāwāhi – e tutuki ai ngā taumata o te Kotahi Piriona Rākau.

Ko ngā kawenga matua o tēnei tūranga, koia:

  • Ko te tautoko i ngā mahi tohatoha pūtea mō te Mahi Rangapū Kotahi Piriona Rākau i ngā pito katoa o te hātepe tono.
  • Ko te whakawhiwhi me te whakamārama pārongo ki ngā kaitohutohu ā-rangai mō ngā huarahi tuku pūtea e wātea ana.
  • Ko te whakahaere i te whānuitanga o ngā momo pātai, tuku whakaaro, tono hoki.
  • Ko te whakakanohi i a Te Uru Rākau i ngā momo hui tūmatawhānui – kei te wūruheti, kei te tari poari hoki.
  • Ko te tautoko i ngā mahi e mārama mai ai te rāngai whānui ki te pūtea Kotahi Piriona Rākau, ko te whakatipu hoki i ngā hononga ki ngā hoa tuku pūtea. 

Ngā Pūkenga me ngā Wheako

E angitu ai koe ki tēnei tūranga me whakaatu mai koe i ngā tino pūkenga mō te mahi tahi, me wairua hihiko, me whai pūkenga hoki mō te whakaaweawe i te tangata. Ka mātautau koe ki te tuhi kōrero, ka mārama ki ngā take tōrangapū, ka whai kaha hoki ki te hiki i tētahi hōtaka mahi, ka hāpai atu. 

E whakamanawanuitia ai koe ki tēnei tūranga, me pēnei hoki koe:

  • He tohu wānanga mō te whakahaere rawa, mō te mahi ohaoha rānei, mō te ture rānei, mō te ahuwhenua, mō te ahuone rānei; mō ngā pūtaiao koiora rānei; mō tētahi ākoranga rānei e hāngai ana.
  • He wheako mō te whakatutuki kaupapa me te tino mārama ki ngā mātāpono o te whakahaere hōtaka.
  • He wheako mō te mahi tahi ki ngā kaipupuri whenua Māori me ngā hapori Māori kei tētahi taiao kaupapa Māori.
  • He tino pūkenga mō te whakarārata hapori, hunga whai wāhi hoki, he wheako hoki mō te whakariterite kaupapa pakihi.

Tērā ngā hāereere ki rō Aotearoa e hāngai ana ki tēnei tūranga, ā, he nui hoki ngā mahi whakahonohono – ki ngā kaiwhiwhi pūtea o te wā nei, ki ngā kaiwhiwhi hoki o anamata hoki, ki ngā hoa mahi o Te Uru Rākau me ngā rōpū mahi o te Te Manatū Ahumatua hoki. Kei ngā rōpū nei he kaitohutohu mō ngā mahi whakawhanake ōhanga ā-rohe, kaupapahere Māori, tuku pūtea, whakarite kaupapahere, whakawhanake pūkenga, pūtaiao hoki – katoa ēnei ka whai wāhi mai ki te maha o ā mātau mahi.  

Mō Te Uru Rākau

Ko te mahi ngahere tētahi o ngā tino rāngai ahumatua o te motu e angitu ana. Ko tā Te Uru Rākau, he wāhanga nō Te Manatū Ahumatua, he whakapiki i tēnei angitutanga e hangā ai he rāngai ngahere e toitū ana, e auaha ana, e tipu tonu ana me te urutau. Haere mai ki tō mātau rōpū hīkaka, kanorau hoki o Te Uru Rākau, katoa mātau ka whai i te whāinga kotahi kia whakapikitia ngā hua hapori, taiao, ohaoha hoki mō Aotearoa.

Kia kitea mai he kōrero anō mō Te Manatū Ahumatua me ā mātau mahi, me pātuhi mai ki konei. Kia kitea mai he kōrero anō mō Te Uru Rākau, me toro mai ki tā mātau pae ipurangi ki www.teururakau.govt.nz.

Ko ngā painga o te mahi ki Te Manatū Ahumatua

  • Ko te whakawhanake ngaio me ngā huarahi whāroto ki roto I te wāhanga me te manatū whānui
  • He takuhe hauora mō ngā kaimahi
  • He mahi tāwariwari – kei te tautoko mātau i te whāritetanga o te mahi me te ora me ngā tikanga mahi tāwariwari mehemea ka taea
  • E toru ngā rā whakatā motuhake (he hararei nā Te Manatū Ahumatua)
  • He hōtaka whakangungu mō Te Manatū Ahumatua kotahi wiki te roa
  • He weronga rewharewha i ia tau kāore he utu
  • He whakamātautau ā-tirotiro i ia rua tau, he āwhina hoki mō te utu o ngā mōhiti

Tirohia ngā painga o te mahi ki Te Manatū Ahumatua

E kuhu mai koe ki tētahi manatū kanorau, whai tikanga hoki he nui nei āna huarahi whakatipu, me pātuhi i te hononga ki raro nei!

Me pēhea te tuku tono

Kia tirotiro koe i te tātai tūranga, kia tono mai hoki ki tēnei tūranga (me te tuku mahi i tētahi reta whakamārama me tō tātai tangata), me pātuhi koe i te “TONO INĀIANEI” kia ārahina koe ki tā mātau pae ipurangi. Mō ā mātau mahi whai tono, tuku pūrongo, me tae katoa mai ngā tono ki tā mātau pae ipurangi mō te whai mahi.

Kia kōrero muna koe mō te tūranga, me whakapā mai ki a Haidee Wynands, Kaitohutohu Whakawhiwhi Mahi, ki Haidee.Wynands@mpi.govt.nz.

Ka kati ngā tono hei te 26 o Pipiri 2019

The Ministry for Primary Industries is committed to providing a working environment that embraces and values inclusion and diversity. Your unique talents and experience will help us deliver exceptional services to our communities in Aotearoa. In return you'll enjoy an inclusive and flexible working environment in a diverse team of people while you're growing your career here in NZ and internationally. We actively encourage applications from all backgrounds. If you have any support or access requirements, we encourage you to tell us when you apply so that we can assist you through the recruitment process.

Apply To:

<< Back to Search Results